5 ըմպելիք, որոնք կօգնեն բարելավել առողջական վիճակն ու ազատվել ավելորդ քաշից. բաղադրատոմսեր/tert.am

Ճարպերի կուտակումը, որը պայմանավորված է ավելորդ քաշով ու գիրությամբ, խնդիր է ոչ միայն գեղագիտական տեսանկյունից:

Ավելորդ կիլոգրամները բացասաբար են ազդում ոչ միայն կազվածքի, այլև ինքնագնահատականի և ընդհանուր առողջական վիճակի վրա՝ նպաստելով տարբեր քրոնիկ հիվանդություններ առաջացմանը, ինչպիսիք են լյարդի ճարպակալումը, շաքարային դիաբետը, սրտանոթային հիվանդությունները և այլն:

Սակայն, բարեբախտաբար, կան ավելորդ քաշի դեմ պայքարի բազմաթիվ միջոցներ: Հարկ է հիշել, որ ժամանակին այս խնդիրը լուծելու դեպքում հնարավոր է խուսափել տհաճ հետևանքներից:

Ժամանակակից աշխարհում շատերն են տառապում հիվանդություններով, որոնք պայմանավորված են սխալ ապրելակերպով և մեծ մասամբ սնունդով: Սակայն ամեն ինչ կարելի է ուղղել՝ հարցին պատասխանատվությամբ մոտենալով: Բոլորն էլ կարող են հրաժարվել վատ սովորություններից, վարել ավելի առողջ ապրելակերպ և պարբերաբար մաքրել օրգանիզմը բնական ըմպելիքների օգնությամբ:

Տաք լիմոնադ

Կիտրոնով տաք ջուրը կամ տաք լիմոնադը ամենապարզ և օգտակար ըմպելիքներից է, որը կարելի է խմել ամեն օր: Ցանկության դեպքում այս լիմոնադին կարելի է նաև մեղր ավելացնել:

Այս ըմպելիքը պարունակում է մեծ քանակությամբ վիտամին C, հակաօքսիդանտներ և օգտակար ու կարևոր հանքանյութեր: Այս միկրոտարրերն օգնում են մաքրել օրգանիզմը տոքսիններից, կարգավորում են մարսողությունը և ամրապնդում են իմունային համակարգը՝ կանխելով բազմաթիվ հիվանդությունների առաջացումը:

Սոված փորին ընդամենը մի բաժակ կիտրոնով տաք ջուր խմելը բավական է նյութափոխանակությունը խթանելու և ավելորդ քաշի կորստին նպաստելու, ինչպես նաև վաղաժամ ծերացումը կանխելու համար:

Բաղադրությունը.

· 1 հատ թարմ կիտրոն,

· ½ լիտր տաք ջուր,

· 1 թեյի գդալ մեղր (ըստ ցանկության):

Պատրաստման եղանակը.

Քամել կիտրոնի հյութը, ավելացնել ջուրը և ցանկության դեպքում ավելացնել նաև մեղր: Խորհուրդ է տրվում այս ըմպելիքի մի բաժակը խմել առավոտյան սոված փորին, այնուհետև խմել այն օրվա ընթացքում՝ ամեն անգամ ուտելուց առաջ մեկական բաժակ:

Սերմերով յոգուրտ

Առողջ աղիները մարդու առողջության գրավականն են, քանի որ մեծ նշանակություն ունեն իմունային համակարգի աշխատանքի համար և պատասխանատու են որոշ հորմոնալ գործընթացների համար:

Բնական յոգուրտը պարունակում է պրոբիոտիկներ՝ օգտակար բակտերիաներ, որոնք անհրաժեշտ են աղիների առողջ միկրոֆլորայի պահպանման համար: Պրոբիոտիկները պաշտպանում են աղիները վնասակար բակտերիաներից ու միկրոօրգանիզմներից:

Բաղադրությունը.

· 1 բաժակ բնական յոգուրտ,

· 1 ճաշի գդալ կտավատի սերմեր (14 գ.),

· 1 ճաշի գդալ քունջութ (14 գ.),

· 1 ճաշի գդալ արևածաղկի սերմեր (14 գ.):

Պատրաստման եղանակը

Կտավատի ու արևածաղկի սերմերը և քունջութն ավելացնել յոգուրտին, լավ խառնել, այնուհետև թրմել 30 րոպե և խմել: Շատ կարևոր է, որ յոգուրտը լավ թրմվի, քանի որ այդ դեպքում այն դառնում է էլ ավելի օգտակար ու սննդարար:

Կանաչ թեյ

անաչ թեյը պարունակում է մեծ քանակությամբ հակաօքսիդանտներ, վիտամիններ, հանքանյութեր և այլ օգտակար նյութեր, որոնք օգնում են մԿաքրել օրգանիզմը տոքսիններից, խթանում են նյութափոխանակությունն ու բարելավում մազերի ու մաշկի առողջական վիճակը:

Բաղադրությունը.

· 1,5 թեյի գդալ կանաչ թեյ (7,5 գ.),

· 1 բաժակ տաք ջուր (250 մլ.),

· մեղր՝ ըստ ճաշակի:

Պատրաստման եղանակը.

1,5 թեյի գդալ կանաչ թեյն ավելացնել մի բաժակ տաք ջրին և թրմել: Ցանկության դեպքում ըմպելիքը կարելի է քաղցրացնել բնական մեղրով: Խորհուրդ է տրվում մի բաժակ կանաչ թեյը խմել սոված փորին, այնուհետև ևս մեկը կամ երկուսը քնելուց առաջ:

Կանաչ հյութ

Ավելորդ քաշի դեմ պայքարում լավագույն օգնականներից մեկը կանաչեղենն է: Այն ոչ միայն օգնում է ազատվել ավելորդ կիլոգրամներից՝ առանց օրգանիզմին ու առողջությանը վնաս հասցնելու, այլև առհասարակ շատ օգտակար է առողջության համար:

Կանաչեղենը պարունակում է մեծ քանակությամբ վիտամիններ, հանքանյութեր, հակաօքսիդանտներ ու քլորոֆիլ: Այս բոլոր տարրերը նպաստում են օրգանիզմը տոքսիններից ու շլակներից մաքրելուն և ամրապնդում են այն օրգանների առողջությունը, որոնք պատասխանատու են օրգանիզմի մաքրման համար (թոքեր, լյարդ, երիկամներ և աղիներ):

Ձեր ուշադրությանն ենք ներկայացնում կիտրոնով ու մաղադանոսով պատրաստված կանաչ հյութի բաղադրատոմսը: Այս հյութի բաղադրիչներն օժտված են մաքրող ու միզամուղ հատկություններով, ինչի շնորհիվ օգնում են ավելի արագ ազատվել ավելորդ կիլոգրամներից:

Բաղադրությունը.

· 1 կապ մաղադանոս,

· 1 հատ կիտրոն

· 1 բաժակ ջուր (250 մլ.)

Պատրաստման եղանակը.

Մաղադանոսն ու կիտրոնը մի բաժակ ջրով մանրացնել հարիչի օգնությամբ, մինչև դառնա համասեռ զանգված և խմել սոված փորին: Կուրսը տևում է 5 օր, որից հետո անհրաժեշտ է անել 10 օր տևողությամբ դադար և կարելի է կրկնել կուրսը:

Այս ըմպելիքը կօգնի ավելի շատ կալորիա այրել և կհագեցնի օրգանիզմը գրեթե բոլոր անհրաժեշտ ու կարևոր հանքանյութերով ու վիտամիններով:

Սեխի հյութ

Այս բնական հյութը, ոչ միայն թույլ է տալիս ազատվել ավելորդ քաշից՝ առանց օրգանիզմին վնաս հասցնելու, այլև թույլ չի տալիս, որպեսզի ավելորդ հեղուկը կուտակվի հյուսվածքներում: Հյուսվածքներում կուտակված հեղուկ պատճառով կարող են առաջանալ բորբոքումներ և ի հայտ գալ ցավոտ զգացողություններ մարմնի տարբեր հատվածներում:

Շնորհիվ հակաօքսիդանտների և մի շարք այլ սննդարար նյութերի պարունակությանը՝ այս ըմպելիքը բարելավում է մարսողական համակարգի աշխատանքը: Սեխի հյութը խթանում է նյութափոխանակությունը և օգնում է կարգավորել արյան մեջ խոլեստերինի մակարդակը:

Բաղադրությունը.

· 1/2 մանր կտրատած սեխ,

· 1 բաժակ ելակ (225 գ.),

· 4 տերև հազար,

· 1 բաժակ ջուր (200 մլ.):

Պատրաստման եղանակը.

Բոլոր բաղադրիչները մանրացնել հարիչի օգնությամբ, մինչև դառնա համասեռ զանգված: Սեխի հյութը խորհուրդ է տրվում խմել օրական երկու անգամ: Առաջին բաժակը հարկավոր է խմել առավոտյան սոված փորին, իսկ երկրորդը՝ քնելուց առաջ:

Նյութի աղբյութը՝ econet.ru

http://med.tert.am/am/news/2016/10/10/ympeliqner/24443

#Բժշկություն