Պատմության մեջ առաջին անգամ ֆուտբոլիստը կանաչ քարտ է ստացել
- 10 окт. 2016 г.
- 1 мин. чтения
Իտալական «Վիչենցա» ակումբի հարձակվող Քրիստիանո Գալանոն ստացել է ֆուտբոլի պատմության առաջին կանաչ քարտը։ Դա տեղի է ունեցել Բ Սերիայի՝ «Վիրտուս Էնթելա»-ի դեմ հանդիպման ընթացքում։ Երկրորդ խաղակեսի սկզբնամասում Գալանոն շեղ է հարվածել, ինչից հետո մրցավարն անկյունային հարված է նշանակել՝ համարելով, որ գնդակը դիպել է մրցակցի ֆուտբոլիստներից որևէ մեկին, սակայն «Վինչենցա»-ի հարձակվողն ասել է մրցավարին, որ անկյունայինի կարիք չկա։ Անկյունայինը փոխարինվել է դարպասից հարվածով, իսկ Գալանոն կանաչ քարտի արժանացել։ Հանդիպումն ավարտվել է «Վիրտուս Էնթելա»-ի հաղթանակով՝ 4։1 հաշվով։
Նշենք, որ կանաչ քարտին ֆուտբոլիստն արժանանում է արդար խաղի կանոնները պահպանելու համար։ Այն չի ցուցադրվում, սակայն արձանագրվում է։ Այս փորձը կիրառվելու է Բ Սերիայում այս մրցաշրջանի ընթացքում։
http://mamul.am/am/news/92669
Комментарии