Ինչպես անել դեմքի պիլինգ տնային պայմաններում/tert.am

Մարդկային օրգանիզմը մշտապես թարմացվում է և մաշկն անընդհատ ազատվում է մահացած բջիջներից: Սա է պատճառը, որ այն կարող է շերտազատվել՝ հատկապես աշնանն ու ձմռանը, երբ մաշկի վրա բազմաթիվ բացասական գործոններ են ազդում, ուստի մահացած բջիջներից հարկավոր է ազատվել:

Ձեր ուշադրությանն ենք ներկայացնում մի հիանալի միջոց՝ դեմքի մաշկի պիլինգ, որը կարելի է կիրառել նաև տնային պայմաններում:

Այս պրոցեդուրան բացարձակապես անցավ է և կօգնի մեկընդմիշտ մոռանալ դեմքի շերտազատվող մաշկի մասին:

Անհրաժեշտ է.

· կալցիումի քլորիդի լուծույթ (5-10%),

· բամբակե սկավառակներ,

· մանկական օճառ:

Օգտագործման եղանակը.

1. Բացել կալցիումի քլորիդի սրվակը, այդ լուծույթով թրջել բամբակյա սկավառակը, քսել այն մաշկին և թողնել, որ ամբողջությամբ ներծծվի: Կրկնել այս պրոցեդուրան 5-8 անգամ: Այս ընթացքում մաշկը կարող է մի փոքր ծակծկել: Եթե լուծույթը սկսի ուժեղ այրել մաշկը, ապա հարկավոր է անմիջապես օճառով լվացվել:

2. Երբ կալցիումի քլորիդի վերջին շերտը չորանա, մատները թրջել և դրանց մանկական օճառ քսել:

3. Մերսելով օճառը քսել մաշկին: Մատների տակ կսկսվի կուտակվել մահացած մաշկը: Մատներին հարկավոր է կրկին օճառ քսել և կրկին մերսել մաշկը, մինչև այն ամբողջությամբ մաքրվի և մահացած բջիջներն այլևս չկուտակվեն: Պրոցեդուրան ավարտելուց հետո հարկավոր է լվացվել գոլ ջրով: Կարելի է սնուցող ու խոնավեցնող քսուք քսել, քանի որ օճառն ու կալցիումի քլորիդը չորացնում են մաշկը:

Կալցիումի քլորիդը ռեակցիայի մեջ է մտնում մանկական օճառի բաղադրության մեջ պարունակվող կալիումի և նատրիումի աղերի հետ, ինչի արդյունքում առաջանում են կալիումի և նատրիումի քլորիդ և չլուծված պանտոգամ (կալցիումի հոպանտենատ), որն էլ մաքրում է մաշկի վերին շերտի մահացած բջիջները:

Նյութի աղբյուրը՝ takprosto.cc

http://med.tert.am/am/news/2016/10/12/piling/24572

#Բժշկություն