Օսլայով դիմակ՝ ծերացող մաշկը երիտասարդացնելու համար |Tert.am Medicine
- Zohrap Amiryan
- 20 окт. 2016 г.
- 1 мин. чтения
Կանայք միշտ էլ ցանկանում են գեղեցիկ, թարմ ու երիտասարդ տեսք ունենալ, ուստի հաճախ իրենց նպատակին հասնելու համար դիմում են տարատեսակ կոսմետիկ պրոցեդուրաների օգնությանը: Նման պրոցեդուրաներից մեկն էլ բոտոքսն է, որի օգնությամբ կարելի է շատ արագ ետ բերել երիտասարդությունն ու ձեռք բերել ձիգ ու հարթ մաշկ:
Սակայն թանկարժեք ու հաճախ նաև վտանգավոր պրոցեդուրաների փոխարեն կարելի է օգտագործել հասարակ օսլայով պատրաստված դիմակ, որն իր արդյունավետությամբ չի զիջում այդքան տարածված բոտոքսին:
Այս դիմակը նախատեսված է հոգնածության նշաններով հասուն մաշկի համար: Այն մանր կնճիռներից ու ծալքերից ազատվելու և մաշկը խոնավեցնելու հիանալի միջոց է:
Պատրաստման եղանակը.
1 ճաշի գդալ կարտոֆիլի օսլան լուծել կես բաժակ ջրում և լցնել լուծույթը կաթսայի մեջ: Ավելացնել 500 մլ եռման ջուր և եփել, մինչև թանձրանա: Ավելացնել 5 ճաշի գդալ թարմ քամած գազարի հյութ և 1 ճաշի գդալ թթվասեր, լավ խառնել և սառելուց հետո բարակ շերտով քսել դեմքին: Դիմակը թողնել 20-25 րոպե, այնուհետև լվանալ գոլ ջրով ու քսել սնուցող քսուք:
Մնացած դիմակը կարելի է պահել սառնարանում և օգտագործել երեք օրվա ընթացքում: Ավելի լավ արդյունքի հասնելու համար հարկավոր է կրկնել այս պրոցեդուրան երեք օր:
Comentários