Երեւանում հայրը ծեծել է դստերը. հյուր գնալու համար թույլտվություն չէր վերցրել\News.am

Zohrap Amiryan
23 окт. 2016 г.
1 мин. чтения

Երեւանում 49-ամյա տղամարդը մեղադրվում է դստերն ու կնոջը ծեծելու մեջ:

Դատական տեղեկատվական համակարգից տեղեկանում ենք, որ մեղադրական եզրակացության համաձայն, Լեւոն Ա.-ն իրենից թույլտվություն չհարցնելու եւ հյուր գնալու հարցի շուրջ ծագած վիճաբանության ընթացքում ծեծել է դստերը: Այնուհետեւ տեսնելով, որ կինը փորձում է միջամտել, Լեւոնը բռունցքով հարվածներ է հասցրել նրան` պատճառելով մարմնական վնասվածքներ, ինչպես նաեւ խոհանոցային դանակով սպանության սպառնալիքներ է տվել:

Լեւոն Ա.-ին մեղադրանք է առաջադրվել Քրեական օրենսգրքի 118-րդ, 117-րդ հոդվածներով, ինչպես նաեւ 137-րդ հոդվածի 1-ին մասով: Խափանման միջոց է ընտրվել ստորագրություն չհեռանալու մասին:

Գործը քննվում է մայրաքաղաքի դատարաններից մեկում:

Լուրեր Հայաստանից - NEWS.am

#Պատահար