Ինչ հետևանքներ կարող են առաջանալ ենթաստամոքսային գեղձի բորբոքումը` պանկրեատիտը անտեսելու դեպքում

Ենթաստամոքսային գեղձը մարսողական համակարգի օրգաններից է, որը գտնվում է որովայնի խոռոչում՝ ստամոքսի ետևում:

Ենթաստամոքսային գեղձի հիմնական գործառույթներն են.

· Ինսուլին հորմոնի արտադրությունը, որը կարգավորում է արյան մեջ գլյուկոզայի մակարդակը:

· Սննդի մարսման համար անհրաժեշտ ֆերմենտների արտադրությունը:

Գեղձն աշխատում է անխափան, եթե մարդը.

1. Ճիշտ է սնվում, չի չարաշահում ալկոհոլը, ճարպոտ ու քաղցր սնունդը:

2. Չի վնասում որովայնի խոռոչը:

Այս պայմանների խախտման դեպքում առաջանում է պանկրեատիտ՝ ենթաստամոքսային գեղձի բորբոքում:

Սուր պանկրեատիտի ախտանշաններն են անտանելի ցավը, որն առաջանում է որովայնի վերին հատվածում (աջ կամ ձախ կողմում) և հետզհետե տարածվում է ամբողջ որովայնի ու մեջքի հատվածում, օրգանիզմի թունավորումը և մարսողության խանգարումը: Պանկրեատիտը հաճախ անվանում են «տոնական» հիվանդություն, քանի որ այն առաջանում է շատ ուտելու հետևանքով, ինչն էլ սովորաբար տեղի է ունենում տոնական օրերին:

Այս հիվանդությունը կարող է լինել ոչ միայն սուր, այլև քրոնիկ: Քրոնիկ պանկրեատիտի առաջացման պատճառները երկուսն են: Տղամարդկանց դեպքում այն առաջանում է ալկոհոլի չարաշահման դեպքում, իսկ կանանց՝ լեղապարկի քարերի: Հիվանդների մի մասը սովորաբար ֆինանսապես կայուն մարդիկ են, որոնք հաճախ են օգտագործում բարձրորակ ալկոհոլային ըմպելիքներ և ճարպոտ սնունդ: Ամեն անգամ սնվելուց հետո առաջանում են բորբոքային գործընթացներ, ենթաստամոքսային գեղձը մեծանում է և սկսում է սեղմել ծորանները: Այս դեպքում խանգարվում է պանկրեատիկ հյութի անցանելիությունը և առաջանում է քրոնիկ կալցիֆիկացնող պանկրեատիտ:

Քրոնիկ պանկրեատիտի դեպքում հիվանդությունը, բութ ցավերից բացի, ուղեկցվում է նաև գխտոցով, սրտխառնոցով, փորափքանքով, իսկ հիվանդության ուշ փուլերում, երբ այն ախտահարում է նաև նյարդային մանրաթելերը, ցավոտ զգացողությունները նույնպես դառնում են քրոնիկ:

Եթե հիվանդը հիվանդանոց է տեղափոխվել սուր պանկրեատտիտով, ապա քրոնիկ պանկրեատիտով հիվանդի բուժումը հետաձգվում է՝ սուրը բուժելու համար: Սա, սակայն, կարող է հանգեցնել ենթաստամոքսային գեղձի քաղցկեղի առաջացման, որը քաղցկեղի ամենավտանգավոր տեսակներից է, քանի որ նույնիսկ վաղ փուլերում արդեն իր մետաստազներն է տարածում ամբողջ օրգանիզմում:

Սա է պատճառը, որ քրոնիկ պանկրեատիտը հարկավոր է անմիջապես բուժել: Սովորաբար նման դեպքերում բժիշկը նշանակում է ցավազրկող դեղամիջոցներ և ֆերմենտներ՝ դրանց պակասը լրացնելու համար: Երբեմն լինում է նաև ինսուլինի անհրաժեշտություն՝ արյան մեջ շաքարի մակարդակը կարգավորելու համար: Սակայն ամենից կարևորն այս հարցում հատուկ դիետան է: Քրոնիկ պանկերատիտի դեպքում սննդի սահմանափակումներն ամբողջ կյանքի համար են:

Դիետա ենթաստամոքսային գեղձի համար

Կարելի է.

· ջեռոցում եփված կամ խաշած բանջարեղեն,

· տրորած (խյուս) կամ ջեռոցում եփված միրգ ու բանջարեղեն,

· թռչնամիս,

· ձուկ,

· հացահատիկներ,

· կաթնամթերք,

· սպիտակուցային օմլետներ

· անյուղ միս:

Չի կարելի.

· ընկուզեղեն,

· սնկեր,

· բակլազգիներ,

· թանձր արգանակներ,

· ճարպոտ, կծու, թթու ուտեստներ,

· երշիկեղեն,

· նրբերշիկ,

· կենդանիների ներքին օրգաններ,

· ապխտած ու թթու դրած մթերք,

· ձկնկիթ,

· ցիտրուսային մրգեր,

· թթու հատապտուղներ,

· մրգեր,

· սև հաց,

· կորեկ

· թարմ թխվածք,

· տորթեր,

· շոկոլադ,

· պաղպաղակ,

· ալկոհոլ,

· կվաս,

· սուրճ,

· գազավորված ըմպելիքներ:

Նյութը ' med.tert.am-ի

#Բժշկություն