Ըմպելիք, որը բարելավում է հիշողությունը, տեսողությունն ու լսողությունը և վերականգնում ոսկորները |Ter

Tert.am Medicine-ը գրում է.

Նիհարել ցանկացողների համար ցանկացած ժամանակահատված էլ հարմար է այդ գործընթացը սկսելու համար: Ձեր ուշադրությանն ենք ներկայացնում նիհարելուն նպաստող ամենաարդյունավետ ըմպելիքներից մեկը, որը կօգնի ազատվել ճարպերից և դուրս բերել ավելորդ հեղուկն օրգանիզմից: Այն իսկապես շատ արդյունավետ է՝ հատկապես ֆիզիկական ծանրաբեռնվածության հետ համատեղելու դեպքում:

Բացի այդ, այս ըմպելիքը նաև արագացնում է գլխուղեղի գործառույթները, բարելավում հիշողությունը, տեսողությունն ու լսողությունը: Հիմնական բաղադրիչը թարմ ծովաբողկն է (хрен), որը հարուստ է C, B1, B2, B6 վիտամիններով, կալիումով, երկաթով, մագնեզիումով և ֆոսորով: Ծովաբողկն արագացնում է նյութափոխանակությունը, հանգստացնում է և միևնույն ժամանակ խթանում է ստամոքսում օգտակար բակտերիաների զարգացումը:

Բաղադրությունը.

· 125 ծավաբողկ(хрень)

· 4 հատ կիտրոն,

· 3 ճաշի գդալ մեղր,

· 2 ճաշի գդալ դարչին,

· կոճապղպեղի փոքրիկ կտոր (2 սմ լայնությամբ):

Պատրաստման եղանակը.

· Կոճապղպեղն ու ծովաբողկը խառնել և հարիչով լավ մանրացնել:

· Ավելացնել կիտրոններից քամված հյութը և շարունակել հարել ևս 2-3 րոպե:

· Ավելացնել մեղրն ու դարչինը և շարունակել հարել:

· Ստացված ըմպելիքը լցնել տարրայի մեջ:

Օգտագործման եղանակը.

Ըմպելիքը հարկավոր է ընդունել օրական երկու անգամ մեկ ճաշի գդալ՝ ուտելուց կամ կարդիովարժություններից առաջ: Բուժման կուրսը տևում է 3 շաբաթ, որից հետո հարկավոր է մի քանի օր ընդմիջում անել:

Հիշողությունն ու գլխուղեղի աշխատանքը բարելավելու համար՝ նաև խորհուրդ է տրվում պարբերաբար օգտագործել դրան նպաստող մթերք և լինել հետևողական:

Խնկունի (розмарин). սա առաջին և ամենահզոր բնական միջոցն է հիշողությունն ու ուշադրության կենտրոնացումը բարելավելու համար: Դրա բաղադրիչները բարելավում են գլխուղեղի գործառույթները: Բացի այդ, այն շատ համեղ է և ունի հիանալի բույր:

Ճակնդեղ. այս բանջարեղենը պարունակում է բնական նիտրատներ, բարելավում է գլխուղեղի և առհասարակ ամբողջ մարմնի արյան շրջանառությունը:

Հավկիթ. հավկիթը կարելի է օգտագործել նախաճաշին՝ հիշողությունը բարելավելու համար: Ձվի դեղնուցում պարունակվում է խոլին, որը շատ օգտակար է գլխուղեղի աշխատանքի համար:

Ձուկ. սարդինաները, սաղմոնն ու ձողաձուկը այն ձկնատեսակներն են, որոնք պարունակում են գլխուղեղի աշխատանքի համար շատ կարևոր օմեգա-3 ճարպերը:

Ավոկադո. նպաստում է գլխուղեղի արյան շրջանառության բարելավմանը:

Լորամիրգ. այս հյութեղ միրգը հարուստ է հակաօքսիդանտներով, որոնք պաշտպանում են գլխուղեղը հիմնայնացման հետևանքով վնասվելուց:

Սոխ. հիշողության բարելավման համար շատ օգտակար է հում սոխը:

Ամբողջական հացահատիկ. գլխուղեղի զարգացման համար շատ օգտակար են նաև ամբողջական հացահատիկները, որոնք հարուստ են մանրաթելերով, բարդ ածխաջրերով և օմեգա-3-ով:

Լոլիկ. լոլիկներում պարունակվող հզոր հակաօքսիդանտը՝ լիկոպինը պաշտպանում է գլխուղեղի բջիջները ազատ ռադիկալներից:

Կանաչ թեյ. այս ընպելիքը բարելավում է հիշողությունն ու գլխուղեղի աշխատանքը: Բացի այդ, այն նաև բարելավում է ուշադրության կենտրոնացումն ու կոգնիտիվ գործառույթները: Օրական կարելի է խմել 2-3 բաժակ թարմ կանաչ թեյ:

Սև շոկոլադ. շոկոլադում պարունակվող հզոր հակաօքսիդանտներն ու կոֆեինն օգնում են բարելավել հիշողությունն ու ուշադրության կենտրոնացումը:

Քրքում. քրքումը ոչ միայն բարելավում է հիշողությունը, այլև կանխում է բորբոքային գործընթացները:

Խնձոր. օրգանիզմը լավ վիճակում պահելու համար ամենալավ մրգերից մեկը խնձորն է, որը նաև նպաստում է հիշողության բարելավմանը:

#Բժշկություն