Թուրքիայում իրադրությունը տագնապեցնող է․ Մերկել|1in.am

Zohrap Amiryan
9 нояб. 2016 г.
1 мин. чтения

1in.am-ը գրում է.

Գերմանիայի կանցլեր Անգելա Մերկելը Թուրքիայում ընդդիմադիր «Ջումհուրիյեթ» պարբերականի լրագրողների ու ղեկավարների, ինչպես նաև քրդամետ Ժողովուրդների դեմոկրատական կուսակցության պատգամավորների կալանավորումից հետո կոչ է արել պաշտոնական Անկարային պաշտպանել հիմնարար ազատությունները: Այս մասին տեղեկացնում է գերմանական Deutsche Welle լրատվամիջոցը:

Նորվեգիայի վարչապետի հետ մամուլի ասուլիսի ժամանակ Մերկելը հայտարարել է, որ վերջին օրերին Թուրքիայից հիմնարար ազատությունների հետ կապված ահազանգեր է ստանում:

Անդրադառնալով Գերմանիայի Եվրոպայի հարցերով պատասխանատու նախարար Միշել Ռոթի հայտարարությանը, որով վերջինս պատրաստակամություն էր հայտնել ապաստան տրամադրել Թուրքիայից դիմողներին` Մերկելն ասել է. «Նախ և առաջ ջանքեր ենք գործադրում Թուրքիայում այնպիսի միջավայր ստեղծելու համար, որ մարդիկ ստիպված չլինեն ապաստան ստանալու դիմում ներկայացնել և որ երկրում պահպանվեն հիմնական ազատությունները»:

#Աշխարհ