Մխիթարյան. Գուցե Մեսսիի չափ չկարողանամ, սակայն իմ հնարավորությունների

Հենրիխ Մխիթարյանը ՅՈւՆԻՍԵՖ-ի բարի կամքի դեսպան դառնալուց հետո պատասխանեց լրագրողների հարցերին:

«ՅՈւՆԻՍԵՖ-ի դեսպան լինելը շատ կարևոր է ինձ համար: Կփորձեմ ամեն ինչ անել, որպեսզի օգնեմ երեխաներին. բոլոր երեխաներն էլ օգնության կարիք ունեն: Սկզբում կօգնեմ իմ խորհուրդներով, իսկ հետագայում պատրաստ եմ ամեն ինչ անել, խնդիր չկա»:

- Դուք Հայաստանի հավաքականի պատմության լավագույն ռմբարկուն եք և ներկայում մարզվելու եք 2-րդ լավագույն ռմբարկուի հետ. ի՞նչ կասեք այդ մասին:

- Արթուր Պետրոսյանն ինձ համար եղել է Հայաստանի հավաքականի պատմության լավագույն խաղացողներից մեկը, եթե ոչ լավագույնը: Միշտ աջակցություն եմ ստացել փոքր տարիքում: Իր հետ աշխատելով` մեծ տպավորություն ունեմ: Նա լավ է հասկանում ֆուտբոլը, կարծում եմ` միասին կարող ենք հաջողությունների հասնել: Նա կարող է հավաքականին ինչ-որ բան տալ:

- Ցանկանում ենք իմանալ, թե ի՞նչ մարզավիճակում եք: Եւ ի՞նչ կասեք Չեռնոգորիայի հավաքականի մասին:

- Ճիշտ է` վերջին հանդիպումն անցկացրել եմ մոտ 1 շաբաթ առաջ, խաղացել եմ 30 րոպե, սակայն դա խոչընդոտ հանդիսանալ չի կարող: Կարևորը ցանկությունն է, մարզավիճակը գնում է 2-րդ պլան: Գիտեմ, որ սպասելիքները մեծ են:

Մրցակցին դեռ լավ ծանոթ չեմ. վերլուծելու ժամանակ ունենք:

Ավելի մանրամասն կարող եք կարդալ ' armsport.am կայքում

#Սպորտ