Նիգերիայում բնակիչները հսկայական օձի ներսում տասնյակ ձվեր են հայտնաբերել

Tert.am-ը մեջբերելով The Daily Mail-ը գրում է.

Նիգերիայի գյուղերից մեկում բնակիչները հսկայական օձ են սպանել, որի որովայնը բացելուց հետո հայտնաբերել են մի քանի տասնյակ ձու:

Տեղաբնակները պատմել են, որ օձն ունեցել է չափից ավելի փքված տեսք, ինչը հիմք է տվել նրանց կարծելու, թե սողունը կուլ է տվել գյուղացիների եղջերավոր կենդանիներից մեկին: Սակայն դրա որովայնը բացելուց հետո պարզվել է կենդանու ուռածության իրական պատճառը:

Բրիտանական պարբերականը մանրամասնում է, որ թեև օձի տեսակը պարզ չէ, այնուհանդերձ՝ հայտնի է, որ այն ունեցել է մոտ 32 սմ լայնություն և մի քանի մետր երկարություն: Չի բացառվում, որ այն անակոնդա է եղել կամ էլ Աֆրիկայում տարածված ժայռային պիթոնի տեսակ:

#Աշխարհ