Յոդով երիտասարդացնող քսուք, որը կդարձնի մաշկն ավելի նուրբ ու առաձգական |Tert.am Medicine

Ձեր ուշադրությանն ենք ներկայացնում մի երիտասարդացնող քսուքի բաղադրատոմս, որը փափկեցնում է մաշկը, դարձնում ավելի առաձգական ու նուրբ, ազատում է մաշկի թեփոտությունից: Բացի այդ, այն նաև սպիտակեցնում է մաշկը, ինչի շնորհիվ պեպեններն ու մուգ հետքերը դառնում են ավելի քիչ նկատելի: Քսուքի բաղադրատոմսը տպագրվել է «Առողջ ապրելակերպ» («ЗОЖ») թերթում:

Բաղադրությունը.

· 1 ճաշի գդալ մեղր,

· 1 թեյի գդալ վազելին,

· 1-2 կաթիլ յոդ,

· 1 ճ.գ. գերչակի յուղ (վաճառվում է դեղատներում),

· ոչ շատ մեծ ապակյա տարրա:

Պատրաստման եղանակը.

Տարրայի մեջ լցնել 1-2 կաթիլ (ոչ ավել) յոդ, ավելացնել մեղրը, գերչակի յուղն ու վազելինը և լավ խառնել:

Քսուքը կարելի է պահել ինչպես սառնարանում, այնպես էլ սենյակային ջերմաստիճանում, սակայն ոչ ավել քան մեկ ամիս:

Քսուքը հարկավոր է քսել մաքրուր մաշկին, իսկ օգտագործելուց առաջ խառնել: Քսուքը դեմքին քսելուց հետո հարկավոր է սպասել որոշ ժամանակ (15 րոպեից մինչև 2 ժամ, եթե կա բավական ժամանակ), այնուհետև մաքրել այն:

Այս քսուքն անչափ արդյունավետ է, սակայն այն չի կարելի օգտագործել բաղադրիչներից որևէ մեկից ալերգիա ունենալու դեպքում, ուստի հարկավոր է վստահ լինել, որ խնդիրներ ու կողմնակի բարդություններ չեն առաջանա:

Նյութը ' Tert.am Medicine-ի

#Բժշկություն