«Եթե դառնամ պատգամավոր, ուրեմն դարձել եմ Սերժ Սարգսյանի հաճախորդը»(տեսանյութ)|Ա1+

ԱԺ ում ընդդիմադիր ուժ գոյություն չունի. բոլոր պատգամավորները այնտեղ նստած՝ նշանակված են իշխանության կողմից։ Այսօր հայտարարեց «Քրիստոնեա-ժողովրդավարական վերածնունդ» կուսակցության նախագահ Սոս Գիմիշյանը. «Հայաստանում ընտրություններ գոյություն չունեն։ Բոլորը նշանակվում են ու սկսում քաղաքական խաղը»։ Ինչ վերաբերում է իր կուսակցության մասնակցությանը գալիք խորհրդարանական ընտրություններին, ապա՝ «բնականաբար չենք մասնակցի, իմաստ չկա։ Այդ միջոցառմանը մասնակցելը նույնքան հանցագործություն է, որքան այն կազմակերպելը։ Եթե մի օր ես դառնամ պատգամավոր, ուրեմն ես էլ եմ դարձել Սերժ Սարգսյանի հաճախորդը։ Մեր երկիրը գլորվում է անդունդը ու այդ դժվարին պահին շարունակում է կատարել դրսի հրահանգները։ Մի ժամանակ վարչապետն արևմուտքից էր նշանակվում, հիմա՝ հյուսիսից»։

#Տեոանյութ