«Ազգի հպարտության միակ առարկան Հենրիկ Մխիթարյանն է». Լեւոն Տեր-Պետրոսյան
- Zohrap Amiryan
- 17 дек. 2016 г.
- 1 мин. чтения
Առավոտ օրաթերթը գրում է.
«Մենք հավասարապես ցավում ենք հակամարտության պատճառով ոչ միայն հայերի, այլեւ ադրբեջանցիների կրած անհամար տառապանքների համար եւ անկեղծորեն հավատում երկու ժողովուրդների խաղաղ համակեցությանն ու բարիդրացիական հարաբերությունների հաստատմանը»,-ՀԱԿ համագումարում ելույթի ավարտին ասաց ՀՀ առաջին նախագահ, ՀԱԿ առաջնորդ Լեւոն Տեր-Պետրոսյանը: Իր իսկ ելույթին նա այսպիսի գնահատական տվեց. «Այն գուցե դառը ստացվեց, բայց իմ նպատակը ոչ թե մարդկանց վհատեցնելն էր, այլ ազգին ներկայիս հեղձուկ իրավիճակից հուսադրիչ ու արժանապատիվ ելք ցույց տալը»: «Ազգ, որի ուրախության ու հպարտության միակ առարկան այսօր Հենրիկ Մխիթարյանն է»,-եզրափակեց Լեւոն Տեր-Պետրոսյանը: Մխիթարյանի մասին հիշատակությանը համագումարի պատվիրակները ծափերով արձագանքեցին: Տեսանյութը՝ քիչ ուշ: Լուիզա ՍՈՒՔԻԱՍՅԱՆ
Comments